Веняма

Россия, Российская Федерация
Веняма, Венялайнэ Федераций

Веняма (венякелел: Россия, Российская Федерация, официалинэ ними: Венялайнэ Федераций, люхетуд ними: ВФ) ом валдкунд Пяйвноўзмайжес Европас да Похъёйжес Азияс. Веняма ом Ман кайкиш суремб валдкунд пиндан мёдхе — 17 075 400 км². Водэл 2010 Веняляйжен федерациян эляjидэн лугу оли 141 927 297 эляд (9-нзь сия Мас). Валдкундайнэ кель ом венякель. 23 федерациян субъектойш ома мугажо ичезэ валдукундалижед келед.

Веняман пялидн ом Москв. Веняляйжес Федерацияс ом 11 лиднад, кудамбидэн эляjидэн лугу ом энамб 1 млн эляjид: Москв, Питер, Новосибирск, Екатеринбург, Алановгород (Алаузьлидн), Казань, Самара, Омск, Челябинск, Ростов Донал да Уфа.

Веняма ом Ӱхтэнзойттуд Рахвахидэн Организациян, Рипматомидэн Валдкундойдэн Ӱхтнендан, Евразиян Экономижен Ӱхтиштусэн да тойжидэн организациёйдэн ӱхтний.

Историй[]

Водэл 862 сюндуб пяйвноўзмславилайнэ (Амуйжвенялайнэ) валдкунд. Сихе ӱхтэтас ӓяд пяйвноўзмславилайжед хеймод. Мёхемба, феодалижен роўхусэн тагут, сэ ягасэ палойхе - иченайжихе князькундойхе. XIII возьсадал венялайжед князькундад путтас монголижидэн ханойдэн тобмусэн аллэ. Водэл 1380 венялайнэ князь Донан Дмитрий (Дмитрий Донской) вягестаб Мамай-ханан войнвягед Куликово-торас. XVI возьсадал заводиб луетас Москван князькунд (мёхемба - валдкунд), сихе ӱхтэтас сусэдкнязькундад. Муга сюндуб ӱхтхинэ кескустойттуд валдкунд. Царин Иванан IV (Гразиян) айган Венялайнэ валдкунд ялос левитаб ичезэ рёўнад. Сэ анастаб Казанин да Астраханин ханкундад. XVII возьсадал, льгес Иванан IV сурмад, заводише Торокайг. Венямаха тулдас польшанмайжед войнвягед. Водэл 1612 венялайнэ ратникишт, кудамбан эзиненас ома Минин да Пожарский, вягестадас польшалайжид. Водэл 1613 валитадас узь царь, кудамбакс тэгесэ Романов Михаил. Романовидэн династий охъястаб Венямад водэлэсай 1917.

XVIII возьсадан аўготишес царь Петр I заводиб ичезэ масштабижед реформад и тэгеб Веняман империякс. Похъёйжвойнан (1700 - 1721) льгхе Венялайнэ империй саб майд Балтиянмерен рандойл. Водэл 1812 заводише войн ("Татанмайнэ войн") Наполеонижен Франциянке. Венялайжед войнвягед вягестадас нециш войнас европалайжидэн ӱхтнэнузидэн валдкундойнэн абунке. Водэл 1861 ом тюхъстадуд маоръянойктуз. XIX возьсадан лоп харктеризуйше тэгимиштон да радаjидэн лугун казвол.

Возил 1905 - 1907 оли эзмяйнэ веняляйнэ революций. Водэл 1914 Венялайнэ империй, Антантан ӱхтниян олдэс, тулеб Эзмяйжхе маильманвойнха. 1917 водэн ухокул заводише революций ("Ухокун революций"), кудамб тюхъстаб монархияд и тэгеб Веняман тазовалдкундакс. Пордайгайнэ охъястуз тэдотаб войнан яткмижес, но сюгюзэл тобмут анастадас большевикад Ленин эзиненас. Возил 1918 - 1922 — Рахваханикойдэн сода, кудамбас вягестадас большевикад. Водэл 1922 тэдотадас НСТӰ:н сядандас.

Возил 1941 - 1945 — Веняманӱхтнэминэ Тойжхе маильманвойнха ("Сурхе Татанман войнха") Германияд вастэ.

1991 — Невондкундалижен Ӱхтнэндан (НСТӰ:н) ягунд и Веняман ляхтэнд сишпяй.

Географижед андмусэд[]

Веняма сиядасэ Похъёйжес маполишкос, Евразий-

континентан похъёйжел. Ӱмбри 14 процентас Веняман территорияд сиядасэ похъёйжен полярижен пирдан тага, игяхижен роўган зонас.

Венялайнэ Федераций ом Тюнэн, Атлантижен (Балтиян, Муст- да Азован меред), валдмеридэн да Каспиян мерен рандойл, сэн мерирандад ома кайкиш пидэмбад Ман тойжихе валдкундойхе риндатадэн (37 653 км). Венямал ома мавалдкундрёўнад Норвегиянке, Суоменманке, Эстинманке, Латвиянке, Литванманке, Польшанманке, Ваўгедвеняманке, Украинанке, Абхазиянке, Грузиянке, Сувиосетиянке, Азербайџананке, Казахстананке, Монголиянке, Китаянке да Кореян Рахвахалижен Демократижен Тазовалдкунданке; везивалдкундрёўнад Американ Ӱхтэнзойттуд Валдкундойдэнке (Штатойдэнке) да Япониянке.

Веняман агъяхижед чоккоймед континетал: агъяхинэ похъёйнэ пункт — Челюскинан немь Красноярскан рандас; агъяхинэ сувипункт — Базардюзюнмяги Дагестанан тазовалдкундас: агъяхинэ пяйвласкмпольнэ пункт — Дежнёван немь Чукоткан автономижес ӱмбрик; агъяхинэ пяйвноўзмпольнэ пункт — Балтиян летэёно Калининградан агъяс. Кескузпункт — Вивирв Красноярскан рандас.

Венямас ом энамб 120 тух ёгид да ӱмбри 2 млн рвид. Кайкиш пидэмбад ёгед ома Амур, Ленанъёги, Каманъёги, Енисей, Иртыш, Обь, Волг; кайкиш сурембад рвед — Каспиян мери, Байкал, Ладогърв да Ӓнинэ.

Административиж-территориалинэ яганд[]

83 регионад мюлюдас Веняляйжхе Федерацияха:

21 тазовалдкундад
46 агъяд
9 рандад
4 ӱмбрикад
2 федеративижен алиштусэн лиднад
1 автономинэ агj

Эляяд[]

РосСтат:ан андмусидэн мёдхе, 2010 водэл Веняляйжен федерациян эляjидэн лугу оли 141 927 297 эляд. Веняма ом ӱхесандэл сиял риституйдэн лугун мёдхе тойжихе валдкундойхе риндатадэн. Веняман эляjидэн энамбуз (2/3) эляб валдкундан Европпалас, тойжед (1/3) — Уралан тага.

79% Веняман эляjид — венялайжед, 3,9% — татарад, 2% — украиналайжед, 1,2% — башкирад, 1,1% — чувашад. Веняма ом ӓйрахвахалинэ валдкунд, кус элядас ӓjидэн рахвахидэн эзитаjид.

Политинэ систем[]

1993 водэн конституциян мёдхе Венялайнэ Федераций ом демократинэ федеративинэ валдкунд тазовалдкундалижен охъяндузмахтусэнке.

Валдкундан пямезь[]

Веняман пямезь ом президент, кудамбад эляд валитас видэкс водэкс.

Веняман Президентойдэн нимикиръютэз:

Борис Николаевич Ельцин (1991 — 1999)
Владимир Владимирович Путин (2000 — 2008). 2008 водэспяй хян ом пяминистр (охъястусэн эзимезь).
Дмитрий Анатольевич Медведев (2008)

Кяскусэнандай тобмуз[]

Кяскусэнандаян тобмусэн ӱлэмбайнэ алускунд ом какськодинэ парламент (Федералинэ суйм): алахайнэ коди (палат) — Валдкундалинэ Дум да ӱляхяйнэ коди (палат) — Федерациян невондкунд.

Элохопаний тобмуз[]

Элохопаниян тобмусэн ӱлэмбайнэ алускунд ом Венялайжен Федерациян охъястуз, кудамбан эзимест панэб радникусэлэ президент. Эзимехен кандидатуран вахвиштойтаб Валдкундалинэ Дум.

Ирдкоскетусэд[]

Веняляйжен Федерациян президентан сайт (венякелел)
Валдкундалижен Думан сайт (венякелел)
Веняляйжен Федерациян федералижидэн валдкундалижидэн алускундойдан сервер (венякелел)

	Европан валдкундад
	Австрий \| Азербайџан \| Албаний \| Андорр \| Армений \| Бельгий \| Болгарий \| Босний да Герцеговин \| Ватикан \| Ваўгедвеняма \| Венгрий \| Веняма \| Германий \| Греций \| Грузий \| Даний \| Ирландий \| Исландий \| Испаний \| Италий \| Казахстан \| Кипр \| Латвий \| Литванма \| Лихтэнштэйн \| Люксембург \| Македоний \| Мальт \| Молдов \| Монако \| Монтэнэгро \| Нидерланд \| Норвегий \| Польш \| Португалий \| Романий \| Рочинма \| Сан-Марино \| Сербий \| Словакий \| Словений \| Суоменма \| Сурь Британий \| Турций \| Украин \| Франций \| Хорватий \| Чехий \| Швейцарий \| Эстоний